Soal Bahasa Jawa Kelas VII

Read More

Soal Bahasa Jawa Kelas VIII

Read More

Soal Bahasa Jawa Kelas IX

Read More

TEMBANG MACAPAT

Tembang Macapat menika wonten 11

1. MIJIL
2. KINANTHI
3. SINOM
4. ASMARANDHANA
5. DHANDHANGGULA
6. GAMBUH
7. MASKUMAMBANG
8. DURMA
9. PANGKUR
10. MEGATRUH
11. POCUNG

  Paugeran tembang macapat

v  GURU GATRA, yaiku cacahing gatra saben sapadha.

v  GURU LAGU, yaiku tibaning swara ing pungkasaning gatra.

v  GURU WILANGAN, yaiku cacahing wanda saben sagatra.

           

            Watak tembang macapat

v  MIJIL : Trenyuh, kepilut, gandrung, prihatin

v  KINANTHI :Gembira, mesra, ( medharake raos tresno asih)

v  SINOM : Seneng , gembira, mencutake prasaja, sigrak semanak

v  ASMARADANA : Susah, prihatin, amarga ketamaan asmara

v  DHANDHANGGULA : Manis, luwes, kesengsem,

v  GAMBUH : Lugas, blaka, tanpo ragu-ragu, kangge pitutur

v  MASKUMAMBANG : Susah, nalangsa, prihatin, klara-lara

v  DURMA : Nepsu,serena, murka, muntap

v  PANGKUR : Gagah,greget,sereng

v  MEGATRUH : Susah,sedih,keranta-ranta

v  POCUNG : Saksekecanipun, sembrana pari kena, dagelan 

Tuladha tembang macapat 

                                     https://www.youtube.com/watch?v=BQLaDuVIUJU 

                                  https://www.youtube.com/watch?v=n3sSYOBdtu8&t=21s

Read More

SINAU MACA AKSARA JAWA

AKSARA JAWA

PASANGAN

Nggatekake tuladha Maca Tembung sing Nganggo Aksara Jawa

Tuladha carane maca tembung sing migunakake pasangan kaya ing ngisor iki.

= simbah tindak (katerangan :aksara sa diwenehi wulu dadi si, aksara ma mati mulane diwenehi aksara pasangan ba, ba ben muni bah diwenehi wignyan, aksara  ta diwulu dadi ti, aksara na mati mulane diwenehi aksara pasangan da, lan aksara ka dipangku supaya mati)

= sregep sinau (katrangan aksara sa diwenehi sandhangan keret dadi sre , aksara ga diwenehi sandhangan pepet dadi ge, aksara pa mati mula mburine aksara pasangan, aksara pasangan sa diwenehi wulu dadi si, aksara na ora diwenehi sandhangan tetep na, lan aksara ha diwenehi suku dadi hu utawa u)

Video panulisan aksara Jawa

Read More

PIDATO UTAWA SESORAH

                                                          

Sesorah utawa pidhato yaiku micara utawa nglairake gagasan, panemu sarana lisan ing sangarepe wong akeh.

Ancase wong sesorah yaiku :

1.    Aweh informasi utawa kabar

2.    Aweh pengaruh, pangajak, utawa daya pangaribawa

3.    Aweh panglipur

4.    Atur pambagya

Bab kang kudu digatekake nalika sesorah yaiku:

1.    Basa

2.    Busana

3.    Solah bawa  

4.    Swara

Urut-urutane sesorah/pidhato

1.    Uluk salam

2.    Purwaka

3.    Surasa basa

4.    Pangarep-arep

5.    Panutup

6.    Salam

Tuladha pidhato

PIDHATO PERPISAHAN SISWA KELAS 9

Assalamualaikum Wr. Wb.
         Nuwun Bapak/Ibu Kepala Sekolah ingkang kinurmatan, tamu undhangan, Bapak/Ibu Guru saha karyawan ingkang kula hormati, adhik-adhik kelas tuwin rencang-rencang ingkang kula tresnani.Puji syukur konjuk wonten ing ngarsanipun Gusti Allah ingkang Maha Asih, awit ing wekdal menika kita sedaya taksih pinaringan rahmat saengga ing wekdal menika kita saged makempal kanthi pinaringan karaharjan.

         Kula minangka wakil saking siswa kelas IX, ngaturaken agunging panuwun ingkang tanpa upami dhumateng Bapak Ibu Guru, awit saking sih katresnan anggenipun nggulawentah dhumateng kula sekanca, saengga saged ngrampungaken kewajiban anggen kula sakanca ngangsu kawruh wonten ing pawitan menika.
        Kula sakanca naming saged memuji, mugi-mugi sedaya amal lan kesaenan Bapak Ibu Guru pikantuk pinwales saking Gusti Allah ingkang Maha Agung, saha tansah pinaringan kasarasan, kawilujengan lan ketentreman saengga saged nggulawentah dhateng adhik-adhik sedaya ngantos dumugi paripurna kanthi biji ingkang maremaken.
        Mboten kesupen kula sakanca ugi nyuwun pangapunten, awit kula sakanca asring ndamel Bapak Ibu duka lan kuciwa, awit saking atur saha solah bawa kula sakanca ingkang mboten mranani penggalih panjenengan sedaya. Dhumateng Bapak/Ibu Guru lan adhik-adhik sedaya, sepisan malih kula ndedonga mugi tansah pinaringan rahmat saha barokahing Gusti Allah,Aamiin..
        Wasana cekap semanten atur kula, menawi kathah kalepatan atur saha solah bawa ingkang boten mranani penggalih, kula nyuwun pengampunten.

Wassalamualaikum, wr.,wb.

Kanthi luwih gamblang maneh, coba gatekna video ing ngisor iki !

https://www.youtube.com/watch?v=949u9oDBXB0

Read More